Shailene Woodley
akteur
persoanlike bys?nderheden
echte namme	Shailene Diann Woodley
nasjonaliteit	Amerikaansk
berne	15 novimber 1991
berteplak	San Bernardino (Kalifornje)
etnisiteit	Angelsaksysk Amerikaansk
jierren aktyf	1999 – no
offisjele webside
gjint

百度 在铁路干线规划同时，同步进行区域社会经济发展规划及节点所在城市与社区建设发展规划的优化调整。

Shailene Woodley (folút: Shailene Diann Woodley; San Bernardino (Kalifornje), 15 novimber 1991) is in Amerikaansk film- en tillefyzje-aktrise, model en filmprodusinte, dy't oarspronklik bekendheid krige mei har rol yn 'e tillefyzjesearje The Secret Life of the American Teenager. Foar har rol yn 'e film The Descendants waard se yn 2011 nominearre foar in Golden Globe yn 'e kategory bêste byrol fan in aktrise. Teffens krige se lof taswaaid foar har optredens yn 'e films The Spectacular Now en The Fault in Our Stars, en yn 'e filmrige Divergent.

Libben en karriêre

Jonkheid en oplieding

Woodley waard yn 1991 berne yn San Bernardino, yn it suden fan 'e Amerikaanske steat Kalifornje. Hja groeide op yn Simi Valley, deunby Los Angeles. Har heit, Lonnie Woodley, is in skoaldirekteur, en har mem, Lori Victor, in skoaldekaan. Woodley hat in jongere broer. Hja beg?n mei modellewurk doe't hja fjouwer jier wie. Se folge de middelbere skoalle oan 'e Simi Valley High School. Doe't se fyftjin jier wie, waard by har skolioaze (in sydlingse ferkromming fan 'e rêchbonke) fêststeld, en waard se fan heupen oant earmholten ynpakt yn gips om fierdere fergroei?ng tsjin te gean. Foar't se besleat en wurd aktrise, joech Woodley der omtinken oan om binnendoararsjitektuer te studearjen oan 'e Universiteit fan New York.

Shailene Woodley yn 2008.

Aktearkarriêre

Woodley hie har earste tillefyzjerol yn 1999, doe't se acht jier wie, as figurante yn 'e tillefyzjefilm Replacing Dad. Tusken 2001 en 2004 hie se weromkearende rollen yn 'e tillefyzjesearjes The District, Crossing Jordan en The O.C., wylst se yn dy snuorje ek te sjen wie yn ien ?flevering elk fan 'e plysjesearje Without a Trace en de komeedzjesearje Everybody Loves Raymond. Yn 2005 fertolke Woodley de titelrol yn 'e tillefyzjefilm Felicity: An American Girl Adventure, wêrfoar't se nominearre waard foar in Young Artist Award.

Tusken 2005 en 2008 spile se yn tillefyzjefilms en hie se gastrollen yn ?.m. de komeedzjesearje My Name Is Earl en de plysjesearjes CSI: New York en Cold Case. Fan 2008 oant 2013 hie se de haadrol yn 'e tillefyzjerige The Secret Life of the American Teenager, dêr't se yn 'e Feriene Steaten lanlike bekendheid mei w?n. Yn dy searje spile Woodley it personaazje Amy Juergens, in teenager dy't swier rekket; de ferhaalline giet dêrnei yn op 'e gefolgen dy't dat foar harsels en har famylje en freonen hat.

Shailene Woodley.

Yn 2011 hie Woodley foar it earst in grutte rol yn langspylfilm yn The Descendants; hja spile de rol fan Alex, de geastlik kwelde aldste dochter fan haadpersoan Matt King (spile troch George Clooney). Op dat optreden krige hja wakker positive re?ksjes fan 'e filmkritisy, en hja waard derfoar nominearre foar in Golden Globe yn 'e kategory bêste byrol fan in aktrise yn in spylfilm. Teffens w?n se der in Independent Spirit Award mei yn deselde kategory.

Woodley spile ek de rol fan Aimee Finecky yn 'e film The Spectacular Now (2013), dêr't se in Spesjale Sjuerypriis foar Aktearjen mei w?n op it Sundance Filmfestival, en dêropta in nominaasje binnensleepte foar in Independent Spirit Award yn 'e kategory bêste haadrol fan in aktrise. Yn 2014 kaam se yn Nederlan yn it nijs mei har oandiel yn 'e súksesfolle romantyske jeugdfilm The Fault in Our Stars, dy't foar in diel yn Amsterdam opnommen waard. Hja spile dêryn de rol fan Hazel Grace Lancaster, in sechstjinjierrige kankerpasjinte dy't troch har alden twongen wurdt om mei te dwaan oan in ?ndersteuningsgroep en dan fereale rekket op Augustus Waters, in oare kankerpasjint yn dy groep, spile troch Ansel Elgort.

Oare films dêr't Woodley yn 'e earste helte fan 'e 2010-er jierren yn spile, wiene White Bird in a Blizzard (2014) en Snowden (2015), fan regisseur Oliver Stone, mei Joseph Gordon-Levitt yn 'e titelrol fan klokkelieder Richard Snowden. Fierders soe Woodley ek de rol fan Mary Jane Watson krije yn The Amazing Spider-Man 2 (2014), mar regisseur Marc Webb knipte al har sênes der by de filmmontaazje út. Dat er in ferklearring útgean liet dat it "in kre?tive beslissing wie om it ferhaal te streamlinen" en dat "iderien it geweldich f?n om mei Woodley te wurkjen" moat in skrale treast west hawwe.

Shailene Woodley yn 2011.

Yn 2014 hie Woodley as Tris Prior de haadrol yn 'e film Divergent, in adaptaasje fan 'e lyknammige bestseller foar jongfolwoeksenen fan skriuwster Veronica Roth. Hoewol't de resinsinten kritysk wiene, waard de film in grut kommersjeel súkses, mei as gefolch dat Woodley yn 2015 deselde rol fannijs fertolke yn it ferfolch The Divergent Series: Insurgent en yn 2016 yn it trêde diel fan 'e trilogy, The Divergent Series: Allegiant. Op 'e tillefyzje spile Woodley fan 2017 oant 2019 de haadrol fan Jane Chapman yn 'e searje Big Little Lies. Yn 'e biografyske film Adrift, út 2018, fertolke se de rol fan 'e echte seefarder Tami Oldham, dy't by in stoarm skipbrek litte. Woodley wie ek as filmprodusinte by de produksje fan Adrift belutsen. Datselde jiers waard har op it Festival foar Amerikaanske Films fan Deauville de Opkommende Stjer takend, in priis foar nij talint.

Yn 2019 wie Woodley te sjen yn it romantyske drama Endings, Beginnings, en yn 2021 spile se mei ?.o. Jodie Foster en Benedict Cumberbatch yn it op wiere foarfallen basearre drama The Mauritanian, oer de finzenis foar fermiende terroristen op 'e Amerikaanske marinebasis Guantanamo Bay yn Kuba. Yn 2021 komme ek The Fallout en The Last Letter from Your Lover út, wêrby't Woodley behalven as aktrise ek as útfierend produsinte belutsen wie. Foar 2022 stiet de plysjefilm Misanthrope op it programma.

Shailene Woodley yn 2014.

Priveelibben

Yn 2018 befêstige Woodley dat se in relaasje hie mei de Australysk-Fidzjiaanske rugbyer Ben Volavola. Yn in fraachpetear mei it tydskrift The Hollywood Reporter sei Woodley: "Ik reitsje fereale op minsken op basis fan wa't se binne, net op basis fan wat se dogge of hokker geslacht se binne. Yn april 2020 be?inigen Woodley en Volavola harren relaasje. Dêrnei krige se neffens de geroftemasine yn 'e rin fan 2020 in nije relaasje mei de Amerikaansk fuotbalspiler Aaron Rodgers. Doe't dyselde yn febrewaris 2021 in priis yn ?ntfangst naam, betanke er yn syn taspraak syn "ferloofde". Yn it praatprogramma The Tonight Show fan presintator Jimmy Fallon befêstige Woodley op 22 febrewaris dat sy dy ferloofde wie.

Shailene Woodley is tige aktyf as miljeu-aktiviste. Sy en har mem rjochten yn 2010 de non-profitorganisaasje All It Takes mei op, dy't besiket de Amerikaanske jongerein foar te ljochtsjen oer klimaatferoaring en wat sy dwaan kinne om dat proses tsjin te gean. By de Amerikaanske presidintsferkiezings fan 2016 en dy fan 2020 wie Woodley in aktyf stiper fan 'e linkse Demokraat Bernie Sanders.

Yn 2016 wie se ek belutsen by de protesten tsjin 'e Dakota Access-piipline yn 'e Dakota's. Yn oktober fan dat jier waard se arrestearre foar binnenkringen op oarmans gerjochtichheid yn Saint Anthony (Noard-Dakota). Se sleat in skikking mei it Iepenbier Ministearje en krige in jier finzenisstraf ?nder betingst oplein. Yn 2018 naam Woodley aktiviste Calina Lawrence, mei wa't se ?nder de protesten yn 'e Dakota's yn it Standing Rock Yndianereservaat yn 'e kunde kommen wie, as har gast mei nei de útrikkingsseremoanje fan 'e Golden Globes.

Yn july 2019 waard Woodley in 'ambassadrise foar de wralsee?n' foar miljeubeskermingsorganisaasje Greenpeace. Se sette mei oare aktivisten ?f op in reis fan trije wiken oer de Sargassosee, dêr't se de gefolgen bestudearre fan 'e miljeufersmoarging mei plestik.

Filmografy

Filmografy as akteur
jier	titel	rol of funksje	opmerkings
tillefyzje
1999	Replacing Dad	lyts famke	tillefyzjefilm
2001–2003	The District	Kristin Debreno	weromkearende rol; 3 ?fl.
2001–2004	Crossing Jordan	de jonge Jordan Cavanaugh	weromkearende rol, 4 ?fl.
2003	Without a Trace	de jonge Clare Metcalf	?fl. Clare de Lune
2003–2004	The O.C.	Kaitlin Cooper	weromkearende rol, 6 ?fl.
2004	Everybody Loves Raymond	brutaal fanke #2	?fl. Party Dress
2004	A Place Called Home	California "Cali" Ford	tillefyzjefilm
2004–2005	Jack & Bobby	Chloe Benedict	gastrol, 2 ?fl.
2005	Once Upon a Mattress	Molly	tillefyzjefilm
2006	My Name Is Earl	de jonge Gwen	?f. BB
2007	CSI: NY	Evie Pierpont	?fl. A Daze of Wine and Roaches
2007	Close to Home	Gaby Tursi	?fl. Getting In
2007	Cold Case	Sarah Gunden	?fl. Running Around
2007	Final Approach	Maya Bender	tillefyzjefilm
2008–2013	The Secret Life of the American Teenager	Amy Juergens	haadrol
2017–2019	Big Little Lies	Jane Chapman	haadrol
films
2005	Felicity: An American Girl Adventure	Felicity Merriman
2007	Moola	Ashley Hedges
2011	The Descendants	Alex King
2013	The Spectacular Now	Aimee Finecky
2014	White Bird in a Blizzard	Kat Connor
2014	Divergent	Tris Prior
2014	The Fault in Our Stars	Hazel Grace Lancaster
2014	9 Kisses	boksster	koarte film
2014	The Amazing Spider-Man 2	Mary Jane Watson	alle sênes sneuvele by filmmontaazje
2015	The Divergent Series: Insurgent	Tris Prior
2016	The Divergent Series: Allegiant	Tris Prior
2016	Snowden	Lindsay Mills
2018	Adrift	Tami Oldham	ek filmprodusinte
2019	Endings, Beginnings	Daphne
2021	The Mauritanian	Teri Duncan
2021	The Fallout	Anna
2021	The Last Letter from Your Lover	Jennifer Stirling	ek útfierend produsinte
2022	Misanthrope		ek produsinte
fideoklips
2011	Our Deal	Day Trotter	fan Best Coast
2016	Stand Up / Stand N Rock #NoDAPL	sjongster	fan Taboo (rapper)
2016	Where's the Love?	harsels	fan The Black Eyed Peas
fideospultsjes
2016	Allegiant: VR Experience	Tris Prior	as stimaktrise

Keppelings om utens

• (in) Folsleine filmografy fan Shailene Woodley yn 'e Internet Movie Database (IMDb)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ?nder: References, op dizze side. Commons Wikimedia Commons  Ofbylden dy't by dit ?nderwerp hearre, binne te finen yn de kategory Shailene Woodley fan Wikimedia Commons.